Conflict Management – Nëntor 2026

staffiX do të organizojë trajnimin e radhës në muajin Nëntor 2026 për Menaxhimin e Konflikteve në vendin e punës, i cili tashmë është zyrtarisht i hapur për aplikim. Përgjatë këtij trajnimi, pjesëmarrësit do të marrin njohuri të thelluara mbi parandalimin, menaxhimin dhe zgjidhjen e konflikteve, përmes qasjeve praktike dhe shembujve konkretë nga jeta organizative.

Trajnimi është i dedikuar për profesionistë që punojnë në pozita si udhëheqës ekipesh, koordinatorë, menaxherë të burimeve njerëzore, rekrutues, staf të shërbimit ndaj klientit, si dhe për këdo që dëshiron të zhvillojë më tej aftësitë ndërpersonale dhe menaxheriale në një mjedis pune sfidues dhe dinamik.

Këto aftësi janë veçanërisht të nevojshme në sektorë ku bashkëpunimi dhe ndërveprimi janë të përditshëm, si bankat dhe institucionet financiare, rrjetet tregtare, kompanitë e teknologjisë, fabrikat dhe prodhuesit, qendrat e thirrjeve (call centers) dhe institucionet joqeveritare.

Objektivat e trajnimit:

Pas përfundimit të këtij trajnimi, pjesëmarrësit do të arrijnë të fitojnë:

Njohuri mbi menaxhimin e konflikteve, duke kuptuar shkaqet, rëndësinë e adresimit të hershëm dhe ndikimin në ambientin e punës.
Aftësi për të identifikuar dhe përdorur stile të ndryshme të menaxhimit të konfliktit, si dhe vetëdije mbi stilin personal të reagimit.
Strategji për parandalimin e konflikteve, përmes komunikimit të qartë, ndërtimit të besimit dhe krijimit të një mjedisi të sigurt pune.
Kompetenca në komunikim efektiv, duke shmangur keqkuptimet dhe duke përdorur teknika praktike për adresimin e sfidave ndërpersonale.
Njohuri mbi fazat e zgjidhjes së konfliktit, përfshirë dëgjimin aktiv, analizimin e situatës, krijimin e zgjidhjeve dhe ndjekjen e implementimit.
Përvojë praktike për menaxhimin e konflikteve në situata reale, me fokus në ndërveprimet me kolegë, staf, menaxherë dhe brenda ekipeve.

Temat e trajnimit:

Menaxhimi i Konflikteve në Vendin e Punës
Stilet e menaxhimit të konflikteve
Pse e shmangim konfliktin ne vend se të ulemi ta zgjidhim!?
Fazat për Menaxhimin e Emocioneve përgjatë Konfliktit
Parandalimi dhe zgjidhja e konflikteve
Krijimi i një ambienti jo konfliktuoz në kompani
Komunikimi efektiv në situata konfliktuoze
Zgjidhja dhe qasjet për ndërtimin e marrëdhënieve të qëndrueshme pas një konflikti
Parandalimi i konfliktit me shefin tuaj

Orari dhe koha e trajnimit:

Trajnimi do të zgjasë 3 ditë, më datat 9, 11 dhe 13 Nëntor, gjithsej 1 javë dhe do të mbahet të Hënën, të Mërkurën dhe të Premten duke filluar nga ora 18:00 – 20:00/20:30 (varësisht prej diskutimit).

Vendi i Trajnimit:

Në lokalet e StaffiX. Adresa: Rr. Mark Sopi Lokali 36, Kati 2, Prishtinë, Kosovë. Tel: +383 45 111 151

Çmimi i Trajnimit:

Trajnimi kushton 149€ me TVSH, me zbritje nga 199€ Euro. Pas aplikimit tuaj përmes formës më poshtë ju dërgohen përmes email-it udhëzimet për pagesë.

Në fund të trajnimit në fjalë çdo pjesëmarrës do të pajiset me certifikatë pjesëmarrjeje.

👣Nxitoni, vendet janë të limituara.

Aplikimi juaj do të konsiderohet i suksesshëm në momentin që kryhet pagesa.

APLIKONI TANI

Biografia e Trajnerit, Shkumbin Ibraimi.

Shkumbin Ibraimi, është Specialist i Burimeve Njerëzore, Rekrutues, Trajner, Konsulent i Menaxhmentit, ku u ndihmon punonjësve t`i përmirësojnë vlerat e tyre, duke ngritur aftësitë për të arritur objektivat.

Me mbi 20 vite përvojë menaxheriale të nivelit të lartë, ka punuar në cilësi të HR Menaxherit për 5 vite në “CACTTUS”. Më pas për 2 vite ka punuar në ndërmarrjet për shitje me pakicë “Meridian Express” dhe “Albi Group” në cilësinë e Menaxherit të BNJ dhe Trajnerit. Ai aktualisht Drejtor në “staffiX”, kompani e specializuar në fushën e Rekrutimit dhe Trajnimeve.

staffiX aplikon një frymë të bashkëpunimit dhe unitetit, të cilat janë cilësi të rëndësishme për një biznes që fokusohet në menaxhimin edhe shërbimet e personelit.

Atifete Xhemaj, Master Trainer | Sales & Leadership Trainer | Personal Coach

Atifete Xhemaj është trajnere dhe konsulente profesionale me mbi 20 vite përvojë ndërkombëtare në shitje, menaxhim dhe zhvillimin e ekipeve.

Përvoja e saj është ndërtuar në Belgjikë dhe Kosovë, përfshirë angazhimin në kompani ndërkombëtare si H&M, si dhe realizimin e trajnimeve për stafin e organizatave dhe bizneseve, ndër të cilat KRCT, ku ka zhvilluar trajnime për dy muaj e gjysmë, dhe Telegrafi.

E certifikuar si Master Trainer, Sales Trainer dhe Personal Coach, ajo specializohet në zhvillimin e lidershipit, komunikimin efektiv, menaxhimin e konflikteve dhe përmirësimin e performancës së ekipeve.

Ajo sjell një qasje praktike dhe ndërvepruese, duke i ndihmuar individët dhe organizatat të zhvillojnë aftësi që sjellin rezultate të qëndrueshme.

✨ Njoftime Pune

PREMIUM

Menaxhimi i Konflikteve - Trajnim

HR Manager

Guest Support

STANDARD